கிராமப்புற இந்தியாவில் 60% க்கும் அதிகமானோர் வேலை செய்யும் வயதில் உள்ளவர்களாக உள்ளனர். இருப்பினும், விவசாயத்தில் முன்னேற்றமின்மை மற்றும் ஒருங்கிணைந்த வளர்ச்சியின்மையின் காரணமாக, தங்களுக்கான வேலை வாய்ப்புகள் கிடைப்பதில் சவால்களை அவர்கள் எதிர்கொள்கிறார்கள். கிராமப்புற இளைஞர்கள் வறுமையில் வாடும் நிலையும், போதைக்கு அடிமையாகும் சூழலும் இருப்பதைப் பார்க்கிறோம். ஈஷா கிராமோத்சவம் என்பது, கிராம மக்களின் வாழ்வில் உற்சாகத்தை மீட்டெடுத்து, கிராமப்புற சமூகத்தில் கொண்டாட்ட உணர்வை மீண்டும் கொண்டுவருவதற்கான ஒரு முன்னெடுப்பாகும்.

விளையாட்டுகள் மூலமும், கிராமிய பாரம்பரிய கலைகளை அரங்கேற்றுவதன் மூலமும், கிராமப்புற இளைஞர்கள் போதை பழக்கங்களிலிருந்து விடுபட உதவுதல், சாதிய தடைகளை உடைத்து, பெண்களுக்கு வல்லமை அளித்தல், கிராமங்களில் குறைந்துவிட்ட உற்சாகத்தை மீட்டெடுத்தல் ஆகியவற்றின் மூலம் சமூகத்தை மாற்றியமைப்பதற்கான ஒரு சிறந்த கருவியாக ஈஷா கிராமோத்சவம் மாறியுள்ளது.