ஒரு கள தன்னார்வலராக, கிராம மற்றும் மாவட்ட அளவிலான போட்டிகளை நடத்துவதில், கிளஸ்டர் தன்னார்வலர்கள் மற்றும் ஈஷாங்காக்களுக்கு உதவிபுரியும் வாய்ப்பு உங்களுக்கு கிடைக்கும். இதற்கான பல்வேறு பொறுப்புகளை ஏற்றுக்கொண்டு, நீங்கள் ஈடுபட முடியும்.

நீங்கள் ஈஷா யோக மையத்தில் குறைந்தபட்சம் 2 மாதங்களுக்கு தன்னார்வத்தொண்டு புரிய வேண்டியிருக்கும். உங்களது முதன்மையான பங்களிப்பானது, களத்தில் உள்ள தன்னார்வலர்களின் செயல்பாடுகளில் துணைநிற்பதாக இருக்கும். மேலும், யோக மையத்திற்குள் உள்ள பல்வேறு துறைகளிலிருந்து அவர்கள் ஏதேனும் தகவல் அல்லது உதவியைப் பெறுவதற்கான ஒரு ஊடகமாக நீங்கள் செயல்படுவதாகவும் இருக்கும். எடுத்துக்காட்டாக, தகவல் தொழில்நுட்பம் மற்றும் பதிவு நடவடிக்கைகள், விளம்பரப்படுத்துதல், லாஜிஸ்டிக்ஸ் மற்றும் அக்கவுண்ட்டிங் ஆகியவற்றில் நீங்கள் உதவியாக இருக்கலாம்.

பதிவு மற்றும் பிற விஷயங்கள் குறித்து ‘அடிக்கடி கேட்கப்படும் கேள்விகள்' தொடர்பான அழைப்புகளுக்கு பதிலளிப்பதிலும், பதிவு செயல்பாடுகளிலும், சமூக ஊடகங்களில் பரப்பக்கூடிய Reels மற்றும் வீடியோக்களைத் தயாரிப்பது மற்றும் ஆவணப்படுத்துவது போன்ற செயல்பாடுகளிலும் களநிலை தன்னார்வலர்களுக்கும், திரைக்குப் பின்னால் இருந்து செயல்படும் தன்னார்வலர்களுக்கும் நீங்கள் துணைநிற்க முடியும்.