எங்கள் அணுகுமுறை

இளம் வயதிலேயே ஒரு குழந்தைக்கு படைப்பாற்றலும் தங்கள் உடல் நலனுக்கும் சுற்றுசூழலுக்கும் சிறந்தது எது என்பதைப் பற்றிய புரிதலும் பெரியவர்களை விட அதிகம் இருப்பத்தை நாம் காணலாம். அரசு பள்ளிகள், இளைஞர் படைகள் மற்றும் மன்றங்களோடு ஈஷா இணைந்து செயல்படுகையில், ஒரு சமூகத்தின் வளர்ச்சிக்கான பணிகளில் முக்கியமான பங்கேற்பாளர்கள் குழந்தைகள் என்பது பலமுறை உறுதி செய்யப்பட்டுள்ளது. நகர்ப்புற குழந்தைகளை கிராமங்களுக்கு அழைத்து வந்து கிராமப்புற சூழலை, வாழ்க்கை முறையை அங்குள்ள குழந்தைகளிடம் கலந்துரையாடி, அனுபவத்தில் அறிந்து கொள்ள செய்வது நகர்ப்புற குழந்தைகளுக்கு கிடைக்கும் விலைமதிக்க முடியாத ஒரு வாய்ப்பாக அமையும். இதன் மூலம் அவர்கள் சிறு வயதிலேயே திறந்த உள்ளத்தோடும் மேம்பட்ட புரிதலுடனும் இருப்பார்கள்.

ஈஷா அறக்கட்டளையின் அடித்தளம் ஈஷா தன்னார்வலர்கள். நூற்றுக்கணக்கான நகரங்கள் மற்றும் சிற்றூர்களில் தங்களையும் தங்கள் சூழலையும் மாற்றும் முனைப்போடு செயற்படும் 90 லட்சத்துக்கும் அதிகமான தன்னார்வலர்களை உள்ளடக்கிய நம்பகரமான கட்டமைப்பாய் இந்த அறக்கட்டளை விளங்குகிறது. அந்த தன்னார்வர்களின் அர்ப்பணிப்பு மற்றும் பல துறைகளிலும் அவர்களுக்குள்ள திறமையையும் அனுபவத்தையும் பகிர்ந்து கொள்ளும் தன்மை ஆகியவை ஈஷா பல மிகப்பெரிய வளர்ச்சித் திட்டங்களை செயற்படுத்துவதை சாத்தியப்படுத்துகிறது.

திட்டங்களின் எல்லா நிலைகளிலும் எங்கெல்லாம் சாத்தியமோ அங்கெல்லாம் சமூக தலைவர்கள் ஈஷா தன்னார்வலர்கள் அந்த சமூகத்திலேயே விருந்தினர்களாக அவர்கள் தங்கியிருக்க வாய்ப்பளிக்கிறார்கள். உணவை பகிர்ந்து கொள்வது தினசரி வேளைகளில் பங்கு கொள்வது என அந்த சமூக மக்களோடு கலந்திருக்கும் போது அவர்களோடு ஒரு ஒற்றுமையை வளர்க்க ஈஷா குழுவினரால் முடிகிறது. இது அங்குள்ள சமூக தலைவர்களையும் திட்டத்தின்பால் ஈர்த்து அவர்களின் மக்களுக்கு கிடைக்கக்கூடிய வாய்ப்புகளுக்காக அதிக ஈடுபாட்டுடன் பங்குகொள்ள உத்வேகப்படுத்துகிறது.

ஒட்டுமொத்த சமூகத்தின் ஆரோக்கியம் மற்றும் நல்வாழ்விற்கு பெண்களின் பங்கு மிக முக்கியத்துவம் வாய்ந்தது. வீட்டை பராமரிப்பது, வருவாய் ஈட்டுவது, சமூக பணிகளை ஒருங்கிணைப்பது, குழந்தைகளை பேணுவது என கிராமப்புற சமூகங்களில் பெண்களின் சக்தி அளப்பரியது. தங்களின் குடும்பங்களுக்கான உணவில் ஒரு எளிய மூலிகையை சேர்ப்பது என்று பெண்கள் முடிவு செய்தால் அவர்களின் குடும்பத்தின் - முக்கியமாக குழந்தைகளின் - ஆரோக்கியம் வெகுவாக மேம்படும்.

வரலாற்று ரீதியாக பார்த்தால், பண்டைய இந்திய கலாச்சாரம் வருடத்தில் 365 நாட்களையும் கொண்டாட்டமாக கழித்திருப்பதை நாம் அறிய முடியும். ஆனால் சமீப காலங்களில் அந்த கொண்டாட்டங்கள் குறைந்து பொருளாதாரம், ஏற்றத்தாழ்வுகள் என தினசரி வாழ்வில் இருக்கும் அழுத்தங்கள், கடமைகள் என பல சிக்கல்கள் மக்கள் இயல்பாக ஆனந்தத்தை வெளிப்படுத்தும் தன்மையை ஒரு கட்டுக்குள் கொண்டு வந்துவிட்டது. எந்த ஒரு திட்டத்திலும் கொண்டாட்டத் தன்மையை கொண்டுவந்தால் எதிர்பார்க்காத வெற்றிகளை அது கொடுக்கும் என்பதை அனுபவத்தில் நாம் அறிகிறோம். மரம் நடுதலோ மருத்துவ மையங்களோ சமூக கல்வியோ எல்லா திட்டங்களிலும் ஆனந்தமான சூழலை வளர்ப்பதில் முன்முனைப்பாக செயல்படுகின்றது.